Adam Brody

Adam Brody
Ganwyd	Adam Jared Brody  15 Rhagfyr 1979  San Diego
Man preswyl	Los Angeles
Dinasyddiaeth	Unol Daleithiau America
Alma mater	Ysgol Uwchradd Scripps Ranch MiraCosta College
Galwedigaeth	actor, cynhyrchydd ffilm, cerddor, actor ffilm, actor teledu, sgriptiwr
Taldra	180 centimetr
Priod	Leighton Meester
Partner	Rachel Bilson
Gwobr/au	Teen Choice Award for Choice TV Actor Drama, Teen Choice Award for Choice TV Actor Drama, Teen Choice Award for Choice TV Actor Drama

Mae Adam Jared Brody (ganed 15 Rhagfyr 1979) yn actor teledu a ffilm Americanaidd ac yn gerddor rhan amser. Dechreuodd ei yrfa ar ddechrau'r 2000au, gan ymddangos ar Gilmore Girls a chyfresi eraill, cyn dod i amlygrwydd tra'n chwarae rhan Seth Cohen yn The O.C.. Mae ef hefyd wedi ymddangos mewn ffilmiau gan gynnwys Mr. & Mrs. Smith gyda Brad Pitt ac Angelina Jolie.

Bywgraffiad

Bywyd Cynnar

Ganwyd Brody yn Carlsbad, San Diego, Califfornia, yn fab hynaf i'w rieni Iddewig Valerie, artist graffig, a Mark Brody, cyfreithiwr. Mae ganddo ddau frawd sy'n efeilliaid, Sean a Matt. Mynychodd Brody "Wangenheim Middle School" a "Scripps Ranch High School", yn derbyn "graddau gwael", ac fe dyfodd lan yn San Diego, tra'n gwario llawer o'i amser yn syrffio. Mae e wedi dweud, er nad oedd e'n "Casanova", roedd ganddo "gariadon ciwt" a'i fod "bron a bod yn byw ar y traeth". Mynychodd Brody goleg cymunedol am flwyddyn cyn gadael yn un deg naw mlwydd oed, gan symud i Hollywood er mwyn dod yn actor. Yna cyflogodd hyfforddwr actio ac arwyddodd gytundeb gyda rheolwr.

Gyrfa

Ar ôl blwyddyn o hyfforddiant a chlyweliadau, cafodd Brody rôl Barry Williams yn y ffilm deledu 2000 Growing Up Brady. Roedd yn ymddangos ar Gilmore Girls fel Dave Rygalski, a oedd yn yr un band ac yn gariad i Lane. Roedd hefyd ar y gyfres deledu gomedi Ganadaidd The Sausage Factory. Yn 2001, chwaraeodd rôl fechan yn American Pie 2, a gelwir ei gymeriad yn hwnnw yn “high school guy”. Roedd yn un o ddau o blant ysgol a oedd yn cael eu erlid o barti Steve Stifler. Yn 2003, ysgrifennodd “Home Security” (ffilm fer), ac fe ymddangosodd yn y brif ffilm Grind, a dechreuodd chwarae ei rôl fwyaf enwog hyd yn hyn, Seth Cohen, bachgen eithaf lletchwith a oedd yn ei arddegau, ar y gyfres deledu The O.C. Fe drodd y rôl hyn Brody yn seren i bobl yn eu harddegau, gyda’r cymeriad yn cael ei ddigrifio gan y Los Angeles Times fel “TV’s sexiest geek”. Fe achosodd y rôl i Brody gael llawer o ffans benywaidd ac fel canlyniad fe gafodd Brody ei roi yn safle 17 yn y “100 Sexiest Men Alive” gan yr Independent Online, ac roedd ddwywaith wedi ei osod ar restr blynyddol “Teen People” o’r “25 Sexiest Stars under 25”. Fe hefyd oedd y dyn cyntaf ar glawr Elle Girl.

Dros gyfnod y sioe, ymddangosodd Brody ar y cyd â Angelina Jolie a Brad Pitt yn y ffilm Mr. & Mrs. Smith (2005), a chwaraeodd gynorthwy-ydd stiwdio yn addasiad o’r ffilm Thank You for Smoking (2006). Enillodd Brody gontract saith mlynedd fel y cymeriad Seth Cohen yn The O.C, ble roedd yn chwarae cymeriad a oedd yn debyg iddo ef ei hun. Daeth y sioe i ben ym mis Chwefror 2007; dywedodd Brody nad oedd e’n gwbl anhapus fod y sioe yn dod i ben, ac er ei fod yn “ffodus” i fod ar gyfres lwyddiannus, roedd hefyd yn falch nad oedd arni am 10 mlynedd. Ar ôl i The O.C ddod i ben, trodd Brody i yrfa llawn amser mewn ffilm. Ei rôl nesaf oedd y ffilm In The Land of Women, comedi rhamantus a oedd hefyd yn cynnwys Meg Ryan a Kristen Stewart, ac fe gafodd y ffilm ei rhyddhau ar Ebrill 20fed, 2007. Yn y ffilm, mae Brody yn chwarae y prif gymeriad, sef ysgrifennwr sy’n dychwelyd i gartref ei fam yn Michigan, er mwyn gofalu am ei nain sâl. Nid oedd yn rhaid i Brody gael clyweliad ar gyfer y rhan, ond roedd bron yn methu a chymeryd rhan yn y ffilm o achos fod y trefniadau ffilmio yn torri ar draws yr ail gyfres o The O.C; fe ail drefnodd y cyfarwyddwr yn ôl wyth mis am ei fod eisiau Brody fod yn y ffilm. Yn yr un flwyddyn, ymddangosodd Brody hefyd yn y ffilmiau â chyllideb llai fel Smiley Face, yn chwarae deliwr, ac yn Ten Ten, fel awyrblymiwr. Fe ymddangosodd hefyd yn y bennod “Crush” o Smallville.

Cafodd Brody, ynghyd a’r actor Zac Efron, ei ystyried fel y prif gymeriad yn y ffilm Speed Racer, rôl a gafodd ei roi i Emile Hirsch yn y diwedd. Roedd Brody hefyd yn bwriadu cynhyrchu ail wneuthuriad o’r ffilm Revenge of the Nerds, ond fe gafodd ei ganslo yn gynnar yn ystod y cyfnod ffilmio.

Ymddangosodd hefyd yn y fideo o’r gân “Too Bad About Your Girl” gan The Donnas. Mae e a Josh Lucas wedi arwyddo i’r ddrama Death in Love sy’n cael ei chyfarwyddo gan Boaz Yakin. Mae hefyd yn y ffilm arswyd Jennifer’s Body, yn actio ar y cyd gyda Megan Fox. Mae wedi gorffen ffilmio’r ffilm A Couple of Dicks, a gafodd ei ffilmio yn Efrog Newydd, hefyd yn y ffilm mae Bruce Willis a Tracy Morgan.

Bywyd personol

Mae Brody yn byw yn Los Angeles. Roedd yn arfer mynd mas gyda’i gyd-actores Rachel Bilson, perthynas a barodd am dair mlynedd cyn gorffen yn Rhagfyr 2006. Roedd eu perthynas ar sgrîn ac i ffwrdd o’r sgrîn.

Mae Brody yn chwarae’r drymiau i’r band Big Japan gyda’r actor Bret Harrison. Mae’n ysgrifennu caneuon yn ystod ei amser sbar ac mae wedi ysgrifennu ynghyd â Danny Bilson (tad ei cyn-gariad Rachel Bilson) a Paul DiMeo, cyfres fechan o lyfr comic i Wildstorm Comics, a’i elwir yn Red Menace. Mae Brody hefyd wedi gwirfoddoli fel actor gyda’r Young Storytellers Program, sydd wedi ei bwrpasu i ddatblygu llythrennedd, hunanfynegiant a hunanhyder i blant ysgol gynradd.

Mae Brody wedi disgrifio ei hun i fod yn “ffug ddeallus” a’i synnwyr digrifwch fel coeglyd. Mae e’n Iddew seciwlar ac wedi dweud na all fod yn llai crefyddol. Mae Brody wedi dweud fod e wedi dod yn fwy “nerdy” ar ôl symud i Hollywood.

Ffilmyddiaeth

Ffilm
Blwyddyn	Ffilm	Rôl	Nodiadau
2000	Never Land	Jack	Rhyddhad cyfyngiedig
	The Silencing	Karl	Rhyddhad cyfyngiedig
	Roadside Assistance	Rusty	Rhyddhad cyfyngiedig
	American Pie 2	High School Guy	Fersiwn heb ei raddio
	According to Spencer	Tommy	Rhyddhad cyfyngiedig
2002	The Ring	Kellen - Teen #3
2003	Home Security	Greg	Rhyddhad cyfyngiedig
	Grind	Dustin Knight	Rhyddhad cyfyngiedig
	Missing Brendan	Patrick Calden	Rhyddhad cyfyngiedig
2005	Mr. & Mrs. Smith	Benjamin Danz
2006	Thank You for Smoking	Jack
2007	In the Land of Women	Carter Webb
	The Ten	Stephen Montgomery
	Smiley Face	Steve the Dealer
2008	Death in Love	Asiant talentau	Rhyddhad cyfyngiedig
2009	Jennifer's Body	Nickolai Wolf
2010	A Couple of Dicks		ôl-gynhyrchu
Teledu
Blwyddyn	Teitl	Rôl	Nodiadau
1995	Now What		Ffilm deledu
1999	The Amanda Show	Greg Brady	Episod: "When Brady's Attack"
2000	Growing Up Brady	Barry Williams	Ffilm deledu
	City Guys	Customer #1	Rhaglen: "Makin' Up is Hard to Do"
	Undressed	Lucas	Tymor 3
	Judging Amy	Barry "Romeo" Gilmore	Rhaglen: "Romeo and Juliet Must Die - Well, Maybe Just Juliet"
	Go Fish	Billy	Rhaglen: "Go Student Council"
	Family Law	Noel Johnson	Rhaglen: "My Brother's Keeper"
2000-2001	Once and Again	Coop	3 rhaglen
2002	Smallville	Justin Gaines	Rhaglen: "Crush"
2000-2002	The Sausage Factory	Zack Altman	13 rhaglen
2002-2003	Gilmore Girls	Dave Rygalski	9 rhaglen yn nhymor 3
2004	MADtv	Seth Cohen	Rhaglen: #922
2001-2004	Grounded for Life	Brian	2 raglen
2006	The Loop	Keith	Rhaglen: "The Rusty Trombone"
2003-2007	The O.C.	Seth Cohen	92 rhaglen